ആക്രമണത്തിന്‍റെ ഉത്തരവാദിത്വം ബലൂച് ലിബറേഷന്‍ ആര്‍മി (ബിഎല്‍എ) ഏറ്റെടുത്തു. ബലൂചിസ്ഥാന്‍റെ പ്രകൃതി വിഭവങ്ങള്‍ ചൂഷണം ചെയ്തിട്ടു മേഖലയെ അവഗണിക്കുന്നതിനുള്ള പ്രതികാരണമാണിതെന്നു ബിഎല്‍എ.
ബലൂചിസ്ഥാനിലെ ഏറ്റവും തിരക്കേറിയ റെയ്ല്‍വേ സ്റേറഷനാണ് ക്വറ്റ. ഇന്ന് രാവിലെ ഒമ്പതിനു പെഷവാറിലേക്ക് സര്‍വീസ് നടത്തുന്ന ജാഫര്‍ എക്സ്പ്രസ് പുറപ്പെടുന്നതിനു തൊട്ടുമുന്‍പാണു സ്ഫോടനം. ഈ ട്രെയ്നില്‍ കയറാനായി നൂറുകണക്കിനാളുകള്‍ പ്ളാറ്റ്ഫോമിലുണ്ടായിരുന്നു. റെയ്ല്‍വേ സ്റേറഷനിലെ ബുക്കിങ് ഓഫിസിനു സമീപത്തായിരുന്നു സ്ഫോടനം.
ബലൂചിസ്ഥാന്‍റെ മോചനത്തിനുവേണ്ടി 2000 ല്‍ രൂപീകരിച്ചതാണു ബിഎല്‍എ. ബലൂച് ജനതയ്ക്ക് സ്വയം നിര്‍ണയാവകാശം, പാക്കിസ്ഥാനില്‍ നിന്നു മോചനം തുടങ്ങിയ മുദ്രാവാക്യങ്ങള്‍ ഉയര്‍ത്തി 2004 മുതല്‍ സായുധ പോരാട്ടത്തിലാണ് സംഘടന. 2006 ഏപ്രിലില്‍ ബിഎല്‍എയെ പാക് ഭരണകൂടം ഭീകര സംഘടനയായി പ്രഖ്യാപിച്ചു.
Comments: